بابکين قول‌لاری
آذربايجان خالقی‌نين ميللی قهرمانی ايگيد بابکين شرفلی خاطيره‌سينه عشق اولسون.
منيم آذربايجانيم (انجمن ادبى ساهر) وئبلاگيندان آلينيبدير
قولو سينديريلميش بابک،
يوردو يانديريلميش بابک،
قان رنگلی بير آرابادا
شرق بويدا بير خارابادا،
سؤيله - سؤيله
دؤيه - دؤيه،
هامی‌يا گؤره‌ک اولسون دئيه
کند - کند گزديريلن بابک،
اؤلوبن ديريلن بابک؛
قول‌لارينی گؤرمه‌ينده
آزجا راحات اولان بابک؛
بير قيرميزی يوخو ايچره،
اوزاقلارا دالان بابک.
دئين بابک: - آمان دوستلار،
هوجوم چکين قوشون - قوشون،
اوردا منسيز قيلينج چالان
قول‌لاريملا بير ووروشون.
علی کريم ۱۹۶۹
0 Comments:
Post a Comment
<< Home