اولو بابک وئریر فرمان٬ آذربایجان – آذربایجان

آذربایجان – آذربایجان

اسماعيل جميلى

اولو بابک وئریر فرمان
دالغالانیر قوجا وولکان
وارلیغینی هایقیریری
اودلار یوردو آذربایجان - آذربایجان

ایگید قیزلار قوچ اوغلانلار
گله جه يه اینانانلار
یئنی دؤوران یارادانلار
یورویورلر سانکی آسلان - آذربایجان

پولاد کیمی بیلک ایله
خوش آرزویلا دیلک ایله
سئوگی دولو اوره ک ایله
هره یيلماز بیر قهرمان - آذربایجان

وقتسیز سولان گولوموزه
دوستاق اولان دیلیمیزه
قارا گونلو ائلیمیزه
شانلی بابک اولوب عونوان - آذربایجان

ده ده قورقود نفسىدیر
کور اوغلونون نعره سىدیر
ستارخانین گولله سىدیر
بذ قالاسی اولوب مئیدان- آذربایجان

مین ايللرین سولطانىسان
قورتولوشون فرمانىسان
آزادلیغین عونوانىسان
آذربایجان ، آذربایجان – آذربایجان