غوربتدن بابک قالاسينا مکتوب

«غوربتده اولارکن، اوره کلري بابک قالاسينا توپلانميش باجي قارداشلاريميزلا اولانلارين مکتوبو»

بابک قالاسيندا ايلليک آذربايجان ميللي قورولتايىنين ايشتيراکچيلاري!

مينلر کيلومئتر سيزدن اوزاقلاردا، اوکيانلار و داغلارين بيزي سيزدن آييرماسينا باخماياراق، بيز بوگون اؤزوموزو قاراداغين قايالاريندان هاوايا اوجالميش، بابک قالاسيندا حيس ائديريک.
بو موقددس آندا، بيز دونيانين هر بير گوشه سيندن، اوفوقدا يوز مينلرله آذربايجان تورکونون دومانلي ذيروه لرده عظمتلي مارشي ني گؤروروک.

هر ايل بوگون اوغوز ائولادي، آذربايجان طبيعتي قوينوندا تلاطوملو بير دنيزين جوشغون دالغالاري تک، حرکته گلير. بو اينسان دالغالاريني رقصه گتيرن موسيقي، آذربايجان ميللتىنين رونئسانسيندان يارانان گورولتولرين ديياپازونودور.

قوي بو مؤحتشم سؤز- ساز مجلسىنين عکس صداسي سهنديميزدن، ساوالانيميزدان گلسين!. قوي بابک قالاسينا توپلانان بابکلرين هارايينا بوتون آذربايجان هاي وئرسين!. قوي هر گونوموز، گونده ليک حياتيميزين هر آني، بو آنلارين موقددسليييندن ضييالانسين!.

بوگون بو عالي مجليسين غاييبلري يالنيز بيز وطنين غوربته دوشموش ائولادي دئييليک. بيزي سيزدن مکان آييريرسا، چوخلاريني زمانه نين حؤکمو او ضييافتدن محروم ائتميشدير. کاش بوگون شئيخ محممد، سئييد جعفر، اردبيلين ديلاور سرييه سي، عدالت باخاني فيريدون، چرندابين صمدي و اوسکونون سينه سينده کي سؤزلزيني يازماميش دونيادان کؤچموش مرضييه سي، بوگونون شاهيدي اولارديلار. کاش مجلسينيزده عاشيق حوسئين جاوان چالاردي، کاش روبابه نين اؤلنه کيمي حسرت ياشلاريندان قورومايان گؤزلري بوگون اينسانلاريميزلا، طبيعتيميزين يئگانه اولدوغونا نظارت ائدردي. کاش ائليميزين شهرياري دا، صولح سئور روحاني ميز ده، آذربايجان تورکونون، بئلينه خنجر باغلاماييب، سؤزونو سازلا، قلمله دئديييني گؤروردولر.

نه يازيق کي، بوگون «تبريز فيلارمونياسي» تاريخين ان مؤحتشم کانسئرتيني سيزين قارشينيزدا ايجرا ائتمير. نه يازيق کي تبريز آکتورال هيئتي بو آخشام بابک زووارينا، جاويدين شئيخ صنعانين جانلاديرا بيلمير... بونلارين هاميسي دوننيميزين بيزدن اوغورلانميش افسانه لريندن بيزه قالميش يادگارلارديرلار. بلکه بو آخشام بابک يوردوندا ييغيشانلارين، بابکه قوناق گلنلرين ساييسيز-حئسابسيز اولدوغو فاکتي بيزه بير آرخايينليق وئرمک ايسته يير، بلکه بو عالي مجليسين ائحتيشامي بيزه دئمک ايسته يير کي داها بسدير، بير داها آذربايجان تورکونون تئاتر بينالاري داغيلديلماياجاق، داها بو دييارين عاشيقلري دربه در اولماياجاقلار، داها اونيوئرسيتئتيميزن مادده تاريخي جعل اولماياجاق، داها شاعيرلر مجليسيميز صحيفه لري سارالميش گيزلي کيتابلاردا دوستاق اولماياجاقلار...

ائي بو مؤحتشم قورولتايي ياردانلار، ائي مجليس ايشتيراکچيلاري!

ايلين بو ان عزيز گونونده، بيز، هم کلئيبر داغلاريندان شفق ساچان گونشين ايشيغيندان پاي ايستيريک، هم بو آخشام قالادا قالديريلان تونقاللارين حرارتيندن. بيزيم بو اوزاق يوللاردان سيزه يوللاديغيميز سلاملاريميزي قبول ائدين. تانري سيزه يار اولسون !

آذربايجان گولر بير گون...! !...Azərbaycan gülər bir gün

(بو ليست آرتيق باغلانيب و قورولتاي ايشتيراکچيلارينا تقديم اولدو)

اؤلکه شهر سوي آد آد
آلمانيا -کؤلن- آزادگر محمد
ايسوئچ -استوکهولم- آچارچي جلال
آلمانيا -برلين- آذربايجان کولتور اوجاغي
آمئريکا -واشنگتن- آذرسينا حبيب
ايسوئچ -استوکهولم- آذري آريازنت
ايسوئچ- استوکهولم- الاردبيلي محمد رضا
ايسوئچ- استوکهولم- اردبيلي علي رضا
ايسوئچ- استوکهولم- ارک درنه يي
ميصير -قاهره -اشعار رحيم
کانادا- تورنتو- اعترافي سليم
آمئريکا- ميشيگان- امان زاده غفور
آمئريکا- تگزاس -اماني مايک
آلمانيا - انور حقيقي حسين
دانيمارکا- آرهوس- اوستاجلو شاهين
ايسوئج -استوکهولم- اولدوز درنه يي
فينلانديا- هلسينکي- ايزدي سابينا
کاليفورنيا- ساندياگو- آينالو علي
کاليفورنيا- ساندياگو- آينالو سارا
دانيمارکا- کپنهاک- باباخاني سئويل
ژاپن- توکيو- پورکريمي سيامک
ايسوئچره- برن- تبريزي جلال
کاليفورنيا- سن خوزه -تبريزي فرد آيناز
ايسوئچ- استکهولم- تريبون درگيسي
اوکرائينا- کي يئف- تقي زاده رمضان
بيرلشميش عرب امارتلري- دوبي- توانا سلمان
روسيه- مسکو -توتونچي رحمان
کاليفورنيا- ساکرامنتو- جميلي اسماعيل
ايتاليا- فلورانس -چهره آرا فيروزه
نروژ- اوسلو- حمزه زاده اصغر
نروژ- اسکين- حيدر آبنار علي
آلمانيا- برلين- داغشهرلي حبيب
ايسوئچ- استوکهولم- دشتي سلامت
اينگيلتره- منچستر- راسي زاه حسين
فرانسه- پاريس -رزمي ماشاالله
استراليا- سيدني -رضايي مقدم سارا
استراليا- سيدني- رضايي مقدم سامان
اينگيلتره- لندن -رمضانزاده عزيزالله
ايسوئچ -استوکهولم- سئويگين ستار
ايسوئچ- استوکهولم- سئويگين افسانه
ايسوئچ- استوکهولم- سئويگين لاچين
ايسوئچ -استوکهولم- سئويگين شلاله
کاليفورنيا- سن خوزه- ساوالان علي
اطريش -وين- سخاوتي دکتر تيمور
نروژ -برقن Bergen- سراجي سيروس
سنگاپور -سنگاپور- سرخي راضيه
هولنديا- روتردام- سعادتي جليل
فرانسا -نورماندي -سليمي فر حمدالله
مجارستان- بوداپست- سيدزاده بهمن
ايسوئچ -استوکهولم -شاملي يونس
چک جومهوريني- پراگ -شريعت پناه بايرام
اطريش -سالزبورگ -شکري سليمان
فرانسه- پاريس- صدرالاشرافي دکتر ضياء
بلژيک -بروکس صديق- بهرام
ايتاليا- روم- ضيايي فر زهرا
تورکيه -استانبول- طيب بابک
کاليفورنيا- ساندياگو- عبادي ائلناز
کاليفورنيا- ساندياگو عبادي آذر
ايسوئچ- استوکهولم- عبدل محمد
بريتانيا- بيرمنگام- عبدي دکتر اصغر
ايسوئچره- زوريخ- عظيمي تبار رقيه
کانادا -اونتاريو- فرضي پور رامين
کانادا -اونتاريو- فرضي پور سحر
کاليفورنيا- ساکرامنتو- فياض محمد
اسپانيا -مادريد- قره داغلي ياشار
آمئريکا کاليفورنيا- قورخماز جمشيد
دانيمارکا- گونئي آذربايجاندا انسان حاقلاريني مودافيعه کمته سي
آذربايجان جومهوريتي باکي- محمد تقي زاده محمد
آذربايجان جومهوريتي- باکي- محمدي عبدالکريم
کانادا -مونترال- مرادي سلطانعلي
ژاپن -توکيو- مستور تقي
آمئريکا --واشنگتن مقدم لاله
آمئريکا --واشنگتن مقدم کمال
اسپانيا -قناري آدالاري، لاس پالماس- ملازاده حسن
ايسوئچ -استوکهولم- ملازاده تيمور
ايسوئچ -استوکهولم- ملازاده ليلان
ايسوچ -استوکهولم- ملازاده علي
بلژيک -بروکسل- موسوي ذاکر
آلمانيا -هامبورگ- ميرزايي هايده
آمئريکا -کاليفرنيا- نظمي دوکتور علي رضا
تورکيه -استانبول- ياشار کولتور قوروپو
آذربايجان -جومهوريتي- باکي- کنعاني يدالله