بابك رومانى

بابك

يئني ياييلان كيتابلار- نشريه نويد آذربايجان

يازان: انور ممد خانلي، كؤچورن :كاوه سارابلي ، چاپ سايي‌سي: بيرينجي، نشر تاريخي: 1382، تيراژ: 2ـ مين جيلد،ناشير: انديشه نو، صحيفه سايي‌سي: 352، قيمت: 2000 تومن

بو كيتاب ، »انور ممدخانلي« طرفيندن كي عؤمرونون سون ايگيرمي ايلينده »بابك« مؤوضوعسو اوزرينده ، ايشله‌ييب ، يازيليبدير.

»بابك« بير تاريخي رومان‌دير كي بير دئييم‌له ، بو كيتاب اونون بيرينجي حيصه‌سيدير.»آنار« ، بو كيتابين اؤن سؤزونده ـ كي 1994 جو ايلين دئكابر آييندا يازيليب ـ بو رومان حاقيندا بئله يازيب : »...نه يازيق كي اجل ، يازيچي‌يا بو روماني تام شكيلده اوخوجوسونا چاتديرماق ايمكانيني وئرمه‌دي ...«.

بو رومانداكي يازيلار و حاديثه‌لر ، بابكين يالنيز گنجليك ايللريني ايحاطه ائدير.بو اثرين آذربايجان ادبياتيندا ، اؤز يئريني توتاجاغينا ، گله‌جك آراشديرماجي‌لارين ، ادبيات شوناس‌لارين و تنقيدچي‌لرين ديقتيني چكه‌جه‌يينه شوبهه يوخدور.